En metade do verán, Lisa recibe unha visita inesperada. É Ale, o amigo inseparable de cando era pequena. Failles falta pouco para estar unidos de novo; o xogo interrompido de entón —a construción dunha balsa de madeira— está a esperalos. Pero algo cambiou, hai un gran secreto que mina a serenidade de Ale, un secreto arraigado nun agosto de hai moitos anos. Que foi o que en realidade pasou aquel verán no lago? Lisa ten 21 días para descubrilo. 21 días antes de que chegue a festa do Ferragosto e que Ale se vaia de novo, seguramente para sempre. Pero dunha cousa está segura: para volver empezar en serio, a verdade é o único punto de partida posible. E para descubrila, os dous terán que enfrontarse aos seus medos