Os nosos bosques están cheos de marabillas: árbores milenarias que se estenden ata o cumio do ceo, animais acróbatas que apenas tocan o chan, innumerables especies aínda descoñecidas... Ademais, purifican o aire que respiramos e proporciónanos alimentos e medicamentos. Porén, son moitos os perigos que os ameazan... A boa noticia é que podemos protexelos! Embárcate nesta gran viaxe na que visitarás os dez ecosistemas forestais máis incribles do planeta, dende a selva amazónica ata a conca do Congo, dende as grandes secuoias de California ata o val de Jiuzhaigou en China... Aprenderás datos curiosos, coñecerás os seres vivos máis sorprendentes e descubrirás que protexelos é moito máis sinxelo do que pensabas. Un libro para ler e aprender sobre os bosques e os seus habitantes. E para coidalos! Con pasatempos, adiviñas, preguntas verdadeiras ou falsas e divertidos diálogos dos nenos protagonistas do libro que viaxan de bosque en bosque. Ademais, contén un apartado no que se dan ideas sobre como axudar aos bosques dende a casa.