Desde que herdou os seus poderes, Amanda non tivo nin un momento de descanso: adestramentos, deberes, misións... Pero todo está a piques de cambiar, porque por primeira vez decidiu tomarse o día libre para asistir ao baile do instituto. Comprarase un vestido bonito, pediralle a Jason que a acompañe e todo será xenial. O soño de calquera adolescente!
Con todo, as cousas nunca son como unha quere. A mañá do baile, a tía Paula encoméndalle a Amanda unha misión: evitar que unha importante táboa sumeria que leva anos desaparecida caia nas mans equivocadas. E Amanda, como herdeira do culto á deusa Maat, non pode permitir que pase iso.
Será capaz de roubar a táboa antes de que se perda para sempre? E, aínda que o consiga, chegará a tempo ao baile máis importante da súa adolescencia?